Bahor keldi o'lkamizga
Yana keldi qaldirg'och
Humo qo'ndi yelkamizga
Borliq bizga bag'ring och
Bahor fasli tarovatin
Shunda bildim tabiat
Qish ketib bahor keldi.
Tabassum yarashar ayol yuziga,
Quloq tuting gar g'am cheksa ohiga,
Ayolni qadirlang, ayolni asrang,
Aslo ozor bermang ayol zotiga.
Axir ayol ona, mexribon singil,
Gar ayol bo'lmasa to'lmaydi ko'ngil.
Ayol qalbi nozik misoli bir gul,
Aslo ozor bermang ayol zotiga.
Hayotning har qanday shartiga ko'nding,
Ayt qachon ko'ksingga tegibdi shamol?!
Bola - chaqa deding, ro'zg'or, ish deding,
Bir kun o'zing uchun yashagin Ayol!
Sen- erning aybini yopguvchi qalqon,
Oila ko'rkiga berarsan sayqal.
Mayliga har kunmas, lekin har zamon,
Bir kun o'zing uchun yashagin Ayol.
Uxlaydi toliqqan butun jonzot bu damda,
Sukunatni buzadi bir xonish sel ohangda,
Alla aytar mehrini taratib ming xil rangda,
Eng yoqimli qo'shiqni qalbida tuygan ayol,
Farzandi deb o'zini unutib qo'ygan ayol.
Xastalansa dilbandi boshida giryon halak,
Shu damda bir tutamdir uningchun yeru falak,
Bolasiga Ollohdan shifo so'rar jonsarak,
Dilbandim deb ko'ksini ko'zini o'ygan ayol,
Farzandi deb o'zini unutib qo'ygan ayol.